Ытык мааны дьоммутугар сандалы тула «Ис сүрэхтэн» дьоро киэһэ ыыттыбыт.

Алтынньы 11 күнүгэр аҕа саастаах дьон декадатын түмүктүүр ытык мааны дьоммутугар сандалы тула «Ис сүрэхтэн» дьоро киэһэ ыыттыбыт.
Ветераннар советтарын председателэ Рожина Н.Ф. нэдиэлэ устатыгар араас тэрээһиннэри көҕүлээн ыыппыта. Олохтоох библиотека өттүттэн компьютернай грамотноска үөрэтии ыытыллыбыта.
Ол курдук, декаданы түмүктүүр киэһээҕэ олохтоох ыччат аҕа саастаах көлүөнэҕэ кэнсиэр көрдөрөн бэлэх ууннулар. Ырыа, үҥкүү, сценка, оонньуу, бүтэһигэр ытык-мааны дьоммутугар эдэр саастарын санатан вальска ыҥыран үҥкүүлээтилэр. Сценарийы, кэнсиэри олохтоох библиотека салайан ыытта.

Добавить комментарий