Тифлосессия

И.М.Сосин аатынан улуустаа5ы киин библиотека5а  республикатааҕы көрбөттөр анал библиотекатыттан тифлоинформационнай издательскай отделын специалиһа Герман Макаров, методист Айталина Никитина уонна библиотекарь Светлана Пухова «Организация доступного информационно-библиотечного пространства для незрячих» диэн ааттаммыт көһө сылдьар тифлосессияны тэрийэн ыыттылар.

Мэҥэ-Хаҥалас оройуонун нэьилиэктэрин библиотекардара кыттыылаах хараҕынан мөлтөхтүк көрөр ааҕааччыларга анаан ааҕыыны тэрийэргэ анал усулуобуйаны тэрийии туьунан, итиэннэ хараҕынан мөлтөхтүк керөр ааҕааччыларга анал кинигэлэри билиһиннэрдилэр. Тифлосессия түмүгэр хас биирдиилэригэр сертификат туттарылынна.

Күн иккис аҥарыгар тифлосессияҕа улуустааҕы көрбөттөр обществоларын чилиэннэрэ кыттыыны ыллылар. Кинилэргэ анаан юкагир норуотун худуоһунньуга уонна суруйааччыта Николай Курилов тифлокомментарийдаах «Незакатное солнце» диэн хартыынатын иһитиннэрдилэр. Улуустааҕы көрбөттөр обществоларын чилиэннэрэ үгүстэрэ тифлофлешплеерга сахалыы кэпсээннэри истэллэрин сэһэргээтилэр. Интэриэһиргиир боппуруостарын биэрэннэр толору эппиэттэри ылан тарҕастылар. Түмүккэ, маннык тэрээһини тиһигин быспакка ыыталларыгар баҕардылар.