Саханы саха дэппитэ

Платон Алексеевич — Ойуунускай үбүлүөйдээх сылынан

Саханы саха дэппитэ

Ойуунускай. ..
Кини аатын тула
Этэр тыл сымсах. ..

Улуу Убайбыт диэн
Киэн тутта ааттыыбыт. ..

Икки атахтаах
Сир үрдүгэр үөскүө5үттэн
Айыл5аттан айыллыбыт
Ааттаах-суоллаах өйдөөхтөрүн Өрө тутан, сирдьит оностор.
Ол эрэн…
Икки атахтаах
Иһилик-таһылык иирээнигэр
Бэрт былдьаьыы, Ордук санаьыы
Харана хабалатыгар Өйдөөхтөрүн имири эьэр.

Ойуунускай. ..
Былатыан Убайбыт,
Бүтэһик күннэрин
Бүтэр уһугун
Былдьаһыктаах чааһыгар
Тугу санаабытын
Ким билиэ баараай. ..
Ол эрэн…
Толугуруу мөхсөр
Төлөннөөх сүрэ5эр
Сөнөрөн илдьэ сылдьар
Күн ийэ таптала, Аар а5а ахтыл5ана
Аймаьыйан ылла5а. ..

Хара5ар көстөн ааста5а
О5о буолан оонньообут
Оһуор-кэрэ алааьа,
Тыл сүмэтин инэрбит
Уус тыллаахтара —
Олонхоһут о5онньоро,
Сэргэх кэпсээннээх
Сээркээн сэһэнньитэ.

«Оо ама дуу…
Олорбут ологум
Бүтэһик күнүн
Былдьаьыктаах чааьа
Барыйан кэллэ5э дуу!?» -диэн
Сонуоран ылла5а…
«Сааһын тухары
Батталы, муну тыырбыт
Сахам норуота
Сайдыы аартыгар,
Сырдык олоххо
Тардыьар күүьэ
Туругура туруо5ун
Мин эрэнэбин!
Кэннибэр хаалбыт
Кэнчээри ыччат
Мин олохпун салгыа5а,
Мин айбатахпын айыа5а —
Оччо5о
Мин тиллиэм!
Иккистээн эргиллиэм!»

Эрэнэ санаан ааста5а-
Сайдар-үүнэр норуота
Кэскилэ чэчирээн
Кэрэ, үтүө олоххо
Бигэтик үктэниэ5ин,
Норуотун туһугар
Олорон ааспыт оло5о
Инникилээх буолуо5ун,
Этэн хаалбыт этиитэ,
Эдэр-чэгиэн ыччакка
Эрчими эбиэ5ин,
Эрэли үөскэтиэ5ин.

Ойуунускай. ..
Улуу Убайбыт
Эн эрэн,
Эн олорбут оло5ун,
Эн ба5арбыт санаан —
Саха омук оло5о,
Саха омук санаата!
Сайдар-үүнэр ыччатын
Эн ааккын ааттыа5а,
Эн олоххун салгыа5а.

А5ыйах ахсааннаах
Саха омук!
Саханы саха дэтэр,
Норуоту ааттатар
Аар айыл5аттан анатыылаах,
Сир ийэттэн этитиилээх
Үтүө дьоннун, бука диэн
Харыстаа, араначчылаа,
Улахан омук уодаьыныгар
Уган биэримэ!
Көнүл буол, көнүл!

Көнүлү туойбут
Былатыан Убайбыт
Эппит тыла энчирээбэтин:
«Саталаах -саргылаах куннэргэ
Саха дьонун салайсын,
Көнүл-дохсун күннэргэ
Өйү-күүһү үрдэтин,
Өлгөм дьолу төрөтүн,
Олох дьолун онорсун »

Ойуунускай…
Эн аатын тула
Этэр тыл сымсах…

Хас кэлэр көлүөнэ
Эн ааккын ааттыа5а.
Хас кэлэр көлүөнэ
Бэйэтин кэмин о5ото
Өйдүө5э:
«Өлөртөн өлбөт өйүн,
Өйүнэн өлбөт бэйэтин «…