Саха Республикатын бастакы Президенигэр М.Е.Николаевка аналлаах медиауруок ыытылынна

Сэтинньи 13 күнүгэр Саха Республикатын бастакы Президенэ Михаил Ефимович Николаев 82 сааһын туолбутунан, И.М.Сосин аатынан Мэҥэ-Хаҥаластааҕы киин библиотекатын сүрүннүүр библиотекара Светлана Федорова В.П.Ларионов аатынан Майатааҕы орто оскуола үөрэнээччилэригэр анаан медиауруок ыытта. Саха Республикатын Национальнай библиотекатын специалистара бэлэмнээбит биэриилэрин үөрэнээччилэр умсугуйан туран интэриэһиргээн көрдүлэр. Библиотекарь Светлана Руслановна Михаил Ефимович олоҕун, үлэтин туһунан слайда бэлэмнээн оҕолорго сиһилии кэпсээтэ, итиэннэ үөрэнээччилэр билиилэрин чиҥэтэн икки хамаандаҕа арааран ТОК оонньуу ыытта. Оонньууга оҕолор көхтөөхтүк кытыннылар. Медиауруоктан оҕолор астынан, элбэҕи билэн тарҕастылар.