«Истиҥ сэһэргэһии» Дмитрий Федосеевич Наумов ыалдьыттаата.

Олунньу 28 кунугэр И.М.Сосин аатынан улуустаазы киин библиотеказа «Истиц сэьэргэьии» туьулгэтигэр аазааччы биьирэбилин, тапталын ылбыт суруйааччы , Саха Сирин суруйааччыларын холбоьуктарын чилиэнэ, СР норуотун хаьаайыстыбатын утуелээх улэьитэ, Амма улууьун ытык олохтоозо Дмитрий Федосеевич Наумов ыалдьыттаата.

Олунньу 28 күнүгэр И.М.Сосин аатынан улуустааҕы киин библиотека ааҕар саалатыгар «Истиҥ сэһэргэһии» диэн ааттаммыт суруйааччыны кытта керсүһүүгэ Амматтан төрүттээх, СР норуотун хаһаайыстыбатын үтүөлээх үлэһитэ, Амма улууһун Бочуоттаах олохтооҕо, Саха сирин суруйааччыларын холбоһугун чилиэнэ, үгүс ааҕааччы биһирэбилин, тапталын ылбыт суруйааччы Дмитрий Наумов ыалдьыттаата.

Көрсүһүүгэ Майа сэлиэнньэтин олохтоохторо, Владимир Ларионов аатынан Майа орто оскуолатын үөрэнээччилэрэ көхтөөх кыттыыны ыллылар.  Бу күн Дмитрий Федосеевич олоҕун, айар үлэтин сырдатар «Кинигэ автор киһи аймахха анаабыт бэлэҕэ» диэн ааттаммыт кинигэ быыстапката тэрилиннэ.

Дмитрий Наумов салайааччы түбүктээх үлэтигэр сылдьан айар үлэ эйгэтигэр хайдах киирбитин, юмор жанрыгар суруйар төһө уустугун олус умсугутуулаахтык  кэпсээтэ. Ити курдук, бастакы айымньытын 55 сааһыгар суруйан саҕалаабытын, «Уйбааһылла таптала»,»Сталин мэтээлэ» кэпсээннэрэ авторга ордук чугастарын, үгүстүк архыып докумуоннарын хасыһан суруйарын туһунан кэпсээбитин, итиэннэ олоххо муударай көрүүлэрин ааҕааччылар сэргии иһиттилэр. Дмитрий Федосеевич сүгүрүйээччилэригэр анаан саҥа, бэчээккэ тахса илик айымньыларын ааҕан иһитиннэрдэ.

Майа сэлиэнньэтин олохтоохторо Галина Олесова, Зиновий Игнатьев,  оҕо суруйааччыта, Россия суруйааччыларын сойууһун чилиэнэ Константин Сосин, СР суруйааччыларын сойууһун чилиэнэ Михаил Гоголев — Долгун, «Таммахтар» литературнай түмсүү салайааччыта Августина Владимирова- Хабарова, «Таммахтар» литературнай түмсүү чилиэнэ Светлана Иванова-  Намыына  кэлбит ыалдьыкка Дмитрий Федосеевичка махтанан туран, ааҕааччылары кытта көрсүһүүнү чаастатык тэрийэригэр, саҥа кинигэлэрэ бэчээттэнэн тахса туралларыгар баҕардылар. Көрсүһүүгэ Светлана Иванова – Намыына Дмитрий Наумовка анабыл хоһоонун ааҕан иһитиннэрдэ, бэлэх уунна.

Көрсүһүү истиҥ эйгэҕэ ыытыллыбытын бэлиэтиир тоҕоостоох. Ааҕааччылар бу күн суруйааччы Дмитрий Наумов илии баттааһыннаах кинигэлэрин ылан астынан тарҕастылар.