Михаил Скрябин. Сирдээҕи мин дьоһун олоҕум

Скрябин Михаил Иннокентьевич 1936 с. Мэҥэ- Хаҥалас улууһун Чалҕаа нэһилиэгэр төрөөбүтэ. Оскуола кэнниттэн Дьокуускайдааҕы педучилище нуучча тылыгар отделениятын бүтэрэн дойдутугар учууталлаабыта. Салгыы 1962 – 67 сс. СГУ историко – филологическай факультетын саха тылын уонна литературатын салаатын ситиһиилээхтик бүтэрэн, оройуонугар барыта 15 сыл учууталынан, оскуола уонна кылаас таһынан иитэр үлэни тэрийээччинэн, оскуола директорынан үлэлээбитэ. 1971 – 91 сс. 20 сыл устата ССКП райкомун пропагандаҕа уонна агитацияҕа отделларыгар эҥкилэ суох үлэлээбитэ. СГУ –га үөрэнэ сылдьан «Сэргэлээх уоттара», кэлин оройуонугар «Таммахтар» литературнай холбоһуктарга мэлдьи активнайдык кыттар. Кини «Сэрии оҕотун сэһэнэ» диэн романа, «Учуутал анала» сэһэнэ, «Кырыыстаах таптал» кэпсээннэр уонна сэһэн хомуурунньуктара, «Тапталы харыстааҥ» кэпсээннэрэ, «Дууһам ыллыыр», «Окко түспүт оҥоһуум» уонна «Оҥой – соҥой оҕо сааспыт» диэн хоһооннорун кинигэлэрэ «Бичик» кинигэ кыһатыгар бэчээттэнэн тахсыбыттара. Михаил Иннокентьевич айымньыларыгар, хоһоонноругар киһиэхэ тиксэр дьол, олох, оҕо саас ыарахаттара, сэрии сылларын оҕолорун дьылҕата, төрөөбүт сиргэ – уокка таптал, сороҕор тус бэйэтэ көрсөр муҥа – соро, кини олоххо тулуура, күҥҥэ – күөххэ тардыһыыта, сырдык ырата арылхайдык көстөллөр. Быйыл 2013 сылга Дмитрий Тихонов «Ытык Майа» диэн Михаил Иннокентьевич хоһооннорунан ырыанньык хомуйан таһаарда Михаил Иннокентьевич – Саха Республикатын суруйааччыларын союһун чилиэнэ, Мэҥэ – Хаҥалас улууһун уонна Хорообут нэһилиэгин бочуоттаах олохтооҕо.

Кинигэлэр:

Биһиги 1956 - тарбыт: ахтыы / Михаил Скрябин. - Дьокуускай: ТИРЦ ЯРО ОО ВОС, 2011. - 60 с.
Дууһам ыллыыр: [хоһооннор] / Михаил Скрябин. - Дьокуускай: Бичик, 2001. - 96 с.
Окко түспүт оҥоһуум : [хоһооннор] / Михаил Скрябин. - Дьокуускай: Бичик, 2002. - 128 с.
Чалҕаа Моорук нэһилиэгэ. 300 сыл / Михаил Скрябин. - Майа, 2010. - 256 с.
Ытык Майа : поэт Михаил Скрябин хоһоонноругар ырыанньык / Михаил Скрябин; [хомуйааччы ааптар Д. Тихонов; муз. ред. В. В. Ксенофонтов; нотаны А. И. уонна А. А. Томскайдар суруйдулар]. - Дьокуускай: Сайдам, 2013. - 122 с.
Олоххо ырыанан: хоһооннор / Михаил Скрябин. – Майа, 2009. - 108 с.
Ырыа - олох аргыһа: [хоһооннор] / Михаил Скрябин. - Дьокуускай: ТИРЦ ЯРО ОО ВОС, 2002. - 118 с.16.
Үтүө күммэр көрсүбүт сорсуннаахтарым: ахтыы-сэһэн.- Дьокуускай: ТИРЦ ЯРО ОО ВОС, 2011. - 294 с
Төгүрүк сыл: кыра уонна орто саастаах оҕолорго иһитиннэрэр -биллэрэр, сэһэргиир поэма / Михаил Скрябин. - Дьокуускай: ТИРЦ ЯРО ОО ВОС, 2011. - 68 с.
Тапталы харыстааҥ: кэпсээннэр / Михаил Скрябин.- Дьокуускай: ТИРЦ ЯРО ОО ВОС, 2010. - 128 с.
Сэрии оҕотун сэһэнэ: Роман / Михаил Скрябин. - Дьокуускай: Бичик, 2005. - 528 с.
Кырыыстаах таптал: сэһэн, кэпсээннэр / Михаил Скрябин. - Дьокуускай: Бичик, 2010. - 144 с
Учуутал анала: сэһэн. - Дьокуускай: ТИРЦ ЯРО ОО ВОС, 2010. - 386 с.
Скрябин М. И. туһунан.
  • Брызгалов, И.И. Эһиги эрэ этэҥҥэ олоруҥ: [суруйааччы М.И. Скрябин] // Саха сирэ. – 1999. – Атырдьах ыйын 10 к. – С.4.
  • Птицына, М. Олоххо сүдү таптала уостубат: [“Сэрии оҕотун сэһэнэ” диэн роман автора М.И.Скрябин СР Суруйааччыларын союһун чилиэнинэн ылыллыбытын чиэстээтилэр] // Эркээйи. – 2008. – Алт. 15 к. – С. 2.
  • Птицына, М. “Олоххо ырыанан хардыылааҥ”: [М.И.Скрябин “Олоххо ырыанан” саҥа кинигэтин сүрэхтэниитэ] // Эркээйи. – 2010. – Кулун тутар 26 к. – С.
  • Скрябин Е.М. Кун кубэй ийэбит: [Акулина Никитична Скрябина]  – Майа, 2001. – 40 с.., хаартыскалардаах.
  • Трофимова, Е. Кэрэхсэбиллээх кинигэ: [СР Суруйааччыларын союһун чилиэнэ М.И.Скрябин “Номоххо киирбит хорсун сэрииһит Гаврил Протодьяконов” кинигэтин сүрэхтэниитэ] // Эркээйи. – 2012. – Олунньу 29 к. – С. 3.

Улуустааҕы киин библиотека

Информационнайбиблиографическай отдел

Винокурова Н.М. – кылаабынай библиограф.