Майаҕа Этнографическай диктаны ыыттылар

Сэтинньи 1 күнүгэр И.М.Сосин аатынан Мэҥэ-Хаҥаластааҕы киин библиотека тэрийиитинэн «Майа сэлиэнньэтэ» МТ мунньахтыыр саалатыгар улууспут олохтоохторо Бүтүн Арассыыйатааҕы аахсыйаҕа кыттыһан Этнографическай диктаны Өрөспүүбүлүкэ олохтоохторун кытта тэҥҥэ суруйдулар. Диктаҥҥа уопсайа 21 киьи кыттыыны ылан, бэйэлэрин билиилэрин бэрэбиэркэлэннилэр, билиилэрин хаҥаттылар. И.М.Сосин аатынан Мэҥэ-Хаҥаластааҕы киин библиотека дириэктэрэ Елизавета Корнилова диктаны суруйа кэлбит улууспут олохтоохторун эҕэрдэлээн тыл эттэ уонна Этнографическай диктант биир бастакынан Удмуртияҕа ыытыллыбытын бэлиэтээн кэпсээтэ.

Диктант уопсайа 30 боппуруостан турар. Улууспут олохтоохторо диктаны бэриллибит бириэмэни тутуһан толордулар. Түмүккэ, хас биирдиилэригэр Этнографическай диктаҥҥа кыттыыны ылбыттарын туоһулуур сертификаттар туттарылыннылар.