«Кэхтибэт кэрэкэ тылларым…» литературнай биэчэр

Сэтинньи 23 күнүгэр 2-с Наахара нэһилиэгэр саха саарына, киһи кэрэмэһэ П.А.Ойуунускай 125 сылыгар аналлаах «Кэхтибэт кэрэкэ тылларым…» диэн ааттаах литературнай биэчэр буолла. Ойуунускай айымньыларын нэһилиэкпит түөлбэлэринэн ааҕыылаара киэҥ сэҥээриини ылла, маны таһынан ыччат уолаттар Ойуунускай айымньыларын ааҕан видеосюжет оҥорбуттара биһирэннэ. Оскуола 2, 3, 4, 6 кылааһын үөрэнээччилэрэ Ойуунускай хоһооннорун доргуччу аахтылар. Нэһилиэкпит ытык кырдьаҕаһа Никаноров Иван Павлович Ойуунускай «Өрүөл кэриэһин» уустаан ураннаан нойосуус ааҕан дьону сөхтөрдө. «Кэхтибэт кэрэкэ тылларым…» диэн обзордаах кинигэ быыстапката тэрилиннэ, Ойуунускай олоҕор, айар үлэтигэр сыһыаннаах литературнай викторина ыыттыбыт. Биэчэри нэһилиэк библиотекара Никанорова И.Д. иилээн-саҕалаан ыытта.