Иннокентий Михайлович Сосин 90 сааһын көрсө

Эколог-суруйааччы, ырыаһыт-поэт, журналист Иннокентий Михайлович Сосин 90 сааһын көрсө, үс нэһилиэк Тумул, Тарат, Төҥүлүтээҕи оҕо библиотекалара кыттыһан “Айылҕалыын алтыһан” — диэн хоһоон күрэҕин ыыттыбыт. Күрэҕи иилээн-саҕалаан ыытта Александра Никитична Дьячковская, И. Сосин олоҕун, айар үлэтин туһунан Евгения Ивановна Птицына кэпсээтэ, «Тыа сирин кэрэһитэ» кинигэ выставкатын билиһиннэрдэ Лаана Алексеевна Петрова. Күрэххэ 3-4 кылаас үөрэнээччилэрэ кытыннылар. Оҕолор олус бэлэмнэнэн кэлбиттэр. Дьүүллүүр сүбэ (ветеран учуутал Баишева Анна Егоровна, саха тылын учуутала Парфенова Екатерина Николаевна уонна Доллу нэһилиэгин ыччатын лидера Птицына Марина Ивановна) быһаарыытынан, Кылаан бирииһи Тарат оскуолатын үөрэнээччитэ Максимова Айыына, бастакы миэстэни Максимова Санаайа (Тарат), иккис миэстэни Иванов Сёма (Төҥүлү), үһүс миэстэни Макарова Таня (Тумул), Пономарева Лилия (Төҥүлү) ыллылар. Кыттааччылар бары грамота, сертификат уонна сыаналаах бэлэх туттулар. Олус истиҥ хоһоон күрэҕэ буолан ааста. Иннокентий Сосины поэт быһыытынан элбэҕи билэн тарҕастылар.

Добавить комментарий