Былатыан Ойуунускайга анаан «Мин аатым ааттаныа, мин ырыам ылланыа» уус-уран ааҕыы күрэҕэ

Сэтинньи 16 күнүгэр улуу убаайбыт Былатыан Ойуунускайга анаан «Мин аатым ааттаныа, мин ырыам ылланыа» уус-уран ааҕыы күрэҕэ нэһилиэнньэҕэ ыытылынна. Күрэх чемпионат по чтению вслух положениетыгар олоҕуран ыытылынна. 1 этапка Ойуунускай хоһоонун талан, тутатына ааҕан иһитиннэрдилэр, 2 этапка — кэпсээнтэн быһа тардыы, 3-кэ бириэмэҕэ Ойуунускайы хоһуйан 4 строкалаах хоһоон айдылар, финалга эмиэ хоһоон аахтылар.
Уопсайа 7 киһи кыттыыны ылла. 4 этаптаах, этап аайы аҕыйах баллаахтар туораан иһэллэр. Түмүккэ «Звездочка» оҕо уһуйаанын баспытаатала, «Иэйии кытыла» олохтоох хоһоонньуттар түмсүүлэрин салайааччыта Стручкова Саргылана Васильевна кыайыылаах аатын сүгэн грамотанан, кинигэнэн наҕараадаланна.
Бу киэһэ ватсап ситимин нөҥүө ыытыллыбыт викторина түмүгэ таҕыста. 1 миэстэҕэ Семенова Мария Матвеевна, 2 миэстэҕэ Ноговицына Марфа Иннокентьевна, 3 миэстэҕэ Стручкова Сардаана Степановна тиксэн грамотанан, кинигэнэн наҕараадаланан үөрүүлэрэ үксээтэ. Киэһэни библиотекарь Трифонова Сардана Семеновна иилээн-саҕалаан ыытта.