Бубякин Николай Васильевич 120 сылыгар анаан, кини аатын үйэтитэр сыаллаах «Үтүө киһи аата үс үйэни уҥуордуур» диэн ааттаах научнай-практическай конференция буолан ааста

Балаҕан ыйын 27 күнүгэр биһиги нэһилиэкпитигэр Саха сирин сайдыытыгар биллэр-көстөр суолу хаалларбыт, Совнарком бэрэссэдээтэлинэн таһаарыылаахтык үлэлээбит, Саха сиригэр сэбиэскэй былааһы турууласпыт биир дойдулаахпыт Бубякин Николай Васильевич 120 сылыгар анаан, кини аатын үйэтитэр сыаллаах «Үтүө киһи аата үс үйэни уҥуордуур» диэн ааттаах научнай-практическай конференция буолан ааста. Конференция иннинэ өйдөбүнньүк бэлиэни арыйыы сиэрэ туома ыытылынна. Өйдөбүнньүк бэлиэни арыйыыга оройуон депутаттарын Сэбиэтин бэрэссэдээтэлэ Сазонов Павел Данилович, «2-с Наахара нэһилиэгэ» МТ баһылыга Никитин Петр Петрович, Бубякин Н.В. быраатын уола Данил Бубякин уонна хаан-уруу аймахтара кыттыыны ыллылар. Ларионова Н.С. «Нэһилиэк сэбиэскэй былаас олохтонуутун кэмигэр», 7-с кылаас үөрэнээччитэ Соловьева Юля «Н.В.Бубякин биллиилээх общественнай деятель», Захарова М.Д. «Н.В.Бубякин үрдүкү салайар үлэлэргэ», Никанорова Н.Д. «Репрессия сиэртибэтэ», Сидорова Т.И. «Н.В.Бубякин аймахтара» диэн темаларга дакылаат оҥордулар.Орто оскуола учуутала, Н.В.Бубякин олоҕун, үлэтин бастакынан хасыһан үөрэппит Кычкина Р.И. информациятын иһиттиннэрдэ. Түмүккэ Н.В.Бубякин туһунан матырыйааллары салгыы хомуйарга, аатын үйэтитиигэ салгыы үлэлэһэргэ диэн резолюция ылыннылар. Конференция «Былааһы Сэбиэккэ» диэн эр дьон хорунан отүмүктэннэ. Конференцияны нэһилиэк бибилэтиэкэрэ Никанорова И.Д. иилээн-саҕалаан ыытта. «»Наахара саарына Николай Бубякин» диэн кинигэ быыстапката тэрилиннэ.

Добавить комментарий