«Библио — QUIZ» сонун оонньуу

Тохсунньу 25 күнүгэр И.М.Сосин аатынан улуустааҕы киин библиотекаҕа «Библио — QUIZ» диэн ааттаммыт 2-с интеллектуальнай оонньуу ыытылынна. Оонньууну улуустааҕы киин библиотека ааҕааччыны кытта үлэлэһэр отделын библиотекардара уонна Мэҥэ-Хаҥалас оройуонун дьаьалтатын административнай хамыыьыйатын бэрэссэдээтэлэ Феликс Титов кеҕүлээьиннэринэн тэрилиннэ.

«Библио — QUIZ» оонньууга барыта алта хамаанда күөн көрүстэ. Ити курдук, улуустааҕы культура эйгэтин хамаандата, доруобуйа харыстабылын хамаандата, «Тандем» чөл олоҕу тутуһар кулууп кэрэ аҥардара, Майатааҕы 2-с нүөмэрдээх оскуола учууталлара, итиэннэ сбербаан  специалистара уонна «Манчаары» хамаандата оонньууга күөн көрсөн тобуллаҕас өйдөрүн бэрэбиэркэлэнэн көрдүлэр. Тоһоҕолоон бэлиэтээтэххэ, оонньуу коммерческэй ол эбэтэр хас биирдии хамаанда чилиэннэрэ усунуос төлөөн кыттыыны ыллылар.

Оонньуу 4  түһүмэхтэн турда. Тэрийээччи Феликс Титов хас биирдии түһүмэххэ уустук боппуруостары бэлэмнээн, хамаандалары толкуйга түьэрдэ. Киэҥ билиилээх «Манчаары» хамаандатын эр дьоно тобуллаҕас өйдөрүнэн, итиэннэ элбэҕи билэллэринэн сөхтөрөн кыайыылааҕынан таҕыстылар.

МАРИНА ТРИФОНОВА,

Улуустааҕы киин библиотека сүрүннүүр библиотекара.

Хаартыскаҕа: «Библио — QUIZ» оонньуу түгэниттэн.