Арассыыйа Конституциятын күнэ

Арассыыйа Конституциятын күнэ — билиҥҥи Арассыыйа бэлиэтиир күнэ, ахсынньы 12 бэлиэтэнэр.

1993 сыл ахсынньы 12 күнүгэр Арассыыйа Федерациятын Конституцията бүттүүн норуот куоластааһынан ылыныллыбыта. 1994 сыллаахха бэрэсидьиэн ыйааҕынан бу күн судаарыстыбаннай бырааһынньык быһыытынан бэлиэтэнэр буолбута («О Дне Конституции Российской Федерации» уонна «О нерабочем дне 12 декабря»).

Маннык күн ССРС-ка 1977 сыллаахха дылы ахсынньы 5 күнүгэр бэлиэтэнэр этэ, бу күн Сталин Конституцията ылыныллыбыта. Кэлин алтынньы 7 күнүгэр көһөрүллүбүтэ, саҥа конституция ылыныллыбыт күнэ.

2005 сылтан бу күн үлэ күнэ.

2008 сыллахха Конституция 15 сыллыгар Россия президена Дмитрий Медведев маннык диэн эппитэ:

1993 сыл ахсынньы 12 күнүгэр биһиги дойдубут историятыгар принципиально саҥа Туттах сокуон ылыллыбыта — ол сокуон киһини, кини быраабын уонна көҥүлүн үрдүкү сыаннаһынан ылбыта, уонна Россия төрдүгэр демократическай бэрээдэги туруорбута, уонна судаарыстыбаны ол сыаннастары тутуһар уонна көмүскүүр эбээһинэһи уурбута.

1993 сыллаахха ахсынньы 12 кунугэр дойду буттуунун урдунэн норуот референдумунан Конституция ылыныллыбыта.