«Айар аартыгы арыйан»

Алтынньы 4 күнүгэр И.М.Сосин аатынан улуустаа5ы киин бибилэтиэкэҕэ «Айар аартыгы арыйан» диэн ааттаммыт саҥа кинигэ сүрэхтэниитэ буолан ааста. Хомуурунньугу улуустааҕы инбэлииттэр уопсастыбаларын бэрэссэдээтэлэ Тамара Пермякова, көрбөттөр уопсастыбаларын бэрэссэдээтэлэ Нина Слепцова уонна истибэттэр уопсастыбаларын бэрэссэдээтэлэ Татьяна Скрябина хомуйан онордулар. Кинигэ таһаарыытын Иван Петрович Птицын сүрүннээтэ. И.М.Сосин аатынан улуустааҕы киин бибилэтиэкэ библиографа Надежда Сидорова уонна улуустааҕы «Эркээйи» хаһыат суруналыыһа Марфа Птицына кинигэни түмэн, хомуйан онордулар. «Кытыл» кинигэ бэчээттиир кыьатыгар 100 экземплярынан 160 страницалаах бэчээттэнэн таҕыста.

«Айар аартыгы арыйан» хомуурунньукка 37 ааптар киирдэ, ол иьигэр 36 хоһоон, 1 ааптар тэттик кэпсээннэрэ киирбиттэр. Кинигэ «Мэҥэ-Хацалас улууьа» МО баһылыга Николай Прокопьевич Старостин  «Кэрэҕэ, сырдыкка тардыьыҥ» диэн ааттаммыт ыстатыйатыттан саҕаланар. Өй-санаа өртүнэн кэрэҕэ, сырдыкка тардыһар, билиигэ-көрүүгэ дьулуурдаах, айар куттаах дьон хоһооннорун хомуурунньугун  киэҥ эйгэҕэ таһаарыы үгүс дьон болҕомтотун тардыаҕа диэн Николай Прокопьевич эрэнэрин, кинилэргэ айар үлэлэригэр саҥа ситиьиилэри баҕаран суруйбут. Мэҥэ-Хацалас улууһун социальнай көмүскэллээх буолууга управлениетын начальнига Иван Иванович Шестаков «Ситимнээх үлэнэн-хамнаһынан» диэн ааттаммыт ыстатыйатыгар хомуурунньукка киирбит биир дойдулаахтарбыт айымньылара дьон-сэргэ болҕомтотун тардыаҕа диэн эрэнэрин этэн туран, үс общество социальнай кемускэллээх буолуу управлениетын кытта ситимнээхтик улэлииллэрин бэлиэтиир.

Бу күн Мэцэ-Хацалас улууһун социальнай көмүскэллээх буолууга управлениетын начальнигын солбуйааччыта Александр Игнатьев бэйэтин эҕэрдэтин тиэртэ. Улуустааҕы «Эркээйи»  хаһыат суруналыыһыгар  Марфа Птицынаҕа  уонна киин библиотека библиограбар Надежда Сидороваҕа үс уопсастыбалар ааттарыттан Махтал суруктар туттарылыннылар.

СӨ үөрэҕириигэ туйгуна, РФ уопсай үөрэхтээһиҥҥэ Бочуоттаах үлэһитэ Марфа Ноговицына — Эйээнэ, «Таммахтар» литературнай холбоһук чилиэнэ, «Догдоҥо дорҕоонноро» айар түмсүү салайааччыта, икки кинигэ ааптара Светлана Иванова  –  Намыына, СӨ үөрэҕириитин туйгуна, Россия суруналыыстарын сойууһун чилиэнэ Раиса Кардашевская, СӨ суруйааччыларын сойууһун чилиэнэ, Бүтэйдээх нэһилиэгин Бочуоттаах олохтооҕо Евдокия Попова – Айыына, Дьабыыл нэһилиэгин Бочуоттаах олохтооҕо, республикатааҕы инбэлииттэр уопсастыбаларын бэтэрээнэ Клавдия Ефимова итиэннэ  үлэ бэтэрээнэ Василий Сергеев, Павловскайга библиотека иһинэн тэриллибит «Дьүһүлгэн» литературнай түмсүү чилиэнэ Николай Карпов, «Иэйии кытыла» Балыктаах айар куттаахтарын тумсуулэрин тэрийбит, улэ бэтэрээнэ Татьяна Цыденжапова кинигэ сүрэхтэниитин үөрүүлээх тэрээһинигэр бэйэлэрин хоһооннорун аахтылар, айар үлэлэриттэн билиһиннэрдилэр.

Кинигэ сүрэхтэниитин СР культуратын туйгуна Сардаана Осипова, Дмитрий Ходулов аатынан норуодунай театр специалистара Елизавета Петрова уонна Ефим Стручков ылбаҕай ырыаларынан киэргэттилэр.