«Үрүҥ торуоска»

Сэтинньи 12 күнүгэр И.М.Сосин аатынан улуустааҕы киин библиотекаҕа «Үрүҥ торуоска» месячник чэрчитинэн хараҕынан мөлтөхтүк көрөр ааҕааччыларга анаан «Поле чудес» диэн оонньуу ыытылынна. Оонньууга улуустааҕы көрбөттөр обществоларын чилиэннэрэ көхтөөх кыттыыны ыллылар. Бэлиэтээн эттэххэ, «Поле чудес» оонньууга Улуу Кыайыы 75 сылын көрсө Аҕа дойду сэриитигэр сыһыаннаах боппуруостар бэрилиннилэр. Оонньуу кыттыылаахтара бары да тобуллаҕас толкуйдаахтарын көрдөрдүлэр. Ити курдук, общество актыыбынай чилиэннэрэ Майаттан Николай Потапов, Василий Алексеев, Мэҥэ нэһилиэгиттэн Матвей Попов, Татьяна Цыденжапова, Догдоҥо нэһилиэгиттэн Светлана Иванова — Намыына ыытыллар тэрээһиннэргэ өрүү да буоларын курдук актыыбынайдарын көрдөрдүлэр. Түмүккэ, Мэцэ нэһилиэгиттэн кыттыыны ыла кэлбит Татьяна Цыденжапова Супер оонньуу кыайыылаагынан таҕыста. Мэҥэ-Хаҥаластааҕы көрбөттөр обществоларын бэрэссэдээтэлэ Нина Слепцова, общество сэкирэтээрэ Александра Назарова оонньууга кыттыыны ылбыт хас биирдии общество чилиэнигэр анал бириистэри туттардылар. Тэрээһин олус сэргэхтик ыытылынна.